Mikabat na sa 100,000 kapin ka mga benepisyaryo ug kliyente sa Department of Social Welfare and Development (DSWD) Field Office Caraga ang na-verify na pinaagi sa Basta Berepikado, Mabilis ang Serbisyo (BBM Serbisyo) Web Application.

Ang BBM Serbisyo usa ka online platform nga gidesinyo aron makumpirma ang pagkatawo sa mga benepisyaryo ug kliyente sa DSWD ug makuha ang ilang PhilSys Card Number (PCN) aron magamit sa mga programa ug serbisyo sa DSWD.

Tumong sa maong programa nga mapugngan ang mga doble ug peke nga identidad nga nagdawat sa mga serbisyo ug programa sa DSWD. Lakip usab niini ang paghatag sa hustong benepisyo ug serbisyo ngadto sa saktong tawo.

Gilauman sa DSWD Caraga, ubos sa direktiba ni Regional Director Mari-Flor Dollaga, nga ma-verify na ang tanang benepisyaryo ug kliyente karong tuiga.

Kung ikaw benepisyaryo o kliyente sa DSWD Caraga, pagpaverify na gamit kining link: https://bbmserbisyo.dswd.gov.ph/ kay basta berepikado, paspas ang serbisyo.